Transcription
1
Monsieur, despuis mon retour du Montellimard, ey treuvé
2
dinformations que La Rivyère avoet fet prendre quen
3
les huguenaux du Poet de Lavail que sont abcens
4
de se lieu et plusieurs aultres sont veneux braver
5
yssi à mon abcence ; et ay despuis en tandeu quilz
6
avoent de liberé le surprendre, neust esté la bonne
7
garde que La Rivyère y fesoet et ay seu que quatre
8
peisans dudit lieu hon testé ses iours audit
9
Poet et sont dessus là, que parlamentarent avec
10
les huguenaux comme verrés par les informations
11
que vous envoye ; yl vous hont donné en tandre
12
par ung rolle quilz sont cent cinquante portant
13
armes. Mès ie veux quon me pende sil y en a plus
14
de trente deux et la plus grande partie de
15
revoltés. Monsieur, ilz me bravent iournellement, voyent
16
le peu de nombre que nous somes yssi que povons estre
17
vinte cinq, comprins ceux du cappitène Alaret.
18
Ecroys que ne vouldriés que ie prince une escorne ; car ie veux
19
crever et mourir pour le servixe du roy et votre. Monsieur,
20
et atandant votre comendement, ie finyrey ma lettre
21
par mes bien humbles recomandations à votre bone
22
graxe, prient Dieu
23
Monsieur, quil vous tiègne en sa seinte et digne garde. De
24
Toulignan, se premyer fevrier 1574.
25
Votre pour jamès hobeissant et très
26
humble serviteur
27
Le pegue